ជំហានដំបូងរបស់អ្នកដើម្បីទប់ទល់នឹងជំងឺភ្នែកឡើងបាយ

ប្រសិនបើអ្នកមានជំងឺភ្នែកឡើងបាយនៅក្នុងភ្នែកទាំងពីរ ជាធម្មតាការវះកាត់នឹងត្រូវបានធ្វើនៅលើភ្នែកម្ខាងសិន រីឯភ្នែកម្ខាងទៀតត្រូវចាំរយៈពេលពីរបីថ្ងៃ ឬប៉ុន្មានសប្តាហ៍ក្រោយមកទើបអាចវះកាត់បាន។ ធ្វើបែបនេះទើបយើងអាចអនុញ្ញាតឱ្យភ្នែកដែលទទួលការវះកាត់មុនមានភាពជាសះស្បើយ ហើយការមើលឃើញនៃភ្នែកនោះមានស្ថេរភាពសិនមុនពេលវះកាត់ភ្នែកម្ខាងទៀត។ 

ជំងឺភ្នែកឡើងបាយជាធម្មតាចាប់ផ្តើមដោយមានរោគសញ្ញាស្រាលហើយនៅពេលទើបនឹងកើតមានអ្នកជំងឺប្រហែលជាមិនចាប់អារម្មណ៍ឡើយ។ យូរទៅ បាយក្នុងភ្នែករីកកាន់តែធំនិងធ្វើអោយកែវភ្នែកស្រអាប់កាន់តែខ្លាំង។ អ្នកគួរពិចារណាទទួលការវះកាត់នៅពេលដែលការមើលឃើញរបស់អ្នកមានភាពចុះខ្សោយ ធ្វើអោយមានបញ្ហាក្នុងការបំពេញកិច្ចការប្រចាំថ្ងៃ (ឧទាហរណ៍ការបើកបរ ធ្វើការ កីឡា ឬការអានអក្សរ) ។ 

បច្ចប្បន្ន ការវះកាត់គឺជាវិធីព្យាបាលតែមួយគត់ដែលអាចធ្វើអោយអ្នកជំងឺភ្នែកឡើងបាយមើលឃើញច្បាស់ឡើងវិញ។